/image%2F0882199%2F20141119%2Fob_aacd77_dsc05624compr-arduen-toubab.jpg)
/fdata%2F1099232%2F%2Favatar-user-103843-tmpphp9CTxiP.jpg){kind=avatar}
Setu ma barzhoneg kentan skrivet gant ar yezh ma Bro,
(ha doujet gant ar Priz Krouidigezh d'an Association Bretonne e-barzh an Ti-Kêr Redon) :
Na droc’hit ket
ar c’hoadoù,
Tud bouzar ouzh ar sonerezh,
Rak ar gougouk, an durzhunell
A glask ur skourr evit o neizh !
Na lousit ket dour an eienn,
Tud vezv-dall ha disec’hed
Rak an eog, an dluzhenn vliv
En em angell er stêrioù glan !
Na loskit ket ar bodoù spern,
Pennoù disonj, d’an amprevan,
Rak ar sardon, ar valafenn
O deus ezhomm da vleuniaoua !
Na leuniit ket toull ar gwernioù,
Traktorioù krenv oc’h aloubin,
Rak ar vuenn zour, ran ha touseg
A c’haloup hag a gan en noz !
Na lazhit ket al loened gouez,
Tud re varlonk ha re verrwel,
Rak er bed-man ez eus kalz traoù
Mat da netra, met talvoudus...
